Thursday, May 27, 2010

‘Bi neno-tnanan

Nâko: Yohanes Manhitu

Noknokâ i ‘bi neno-tnanan
ka tít fa sâ-sâ es namás,
alaha nope es nâlae,
mutî onlê abâteme.

Hai mimfau mbi ‘tokô,
es-es nok kun in balan.
Au usaitan pah Timor
ma ‘lak eu pah Jawa.

‘Bi neno-tnanan amanuat,
onen mateab neu Apakaet
he aominâ-aoleko piuta
ma ‘tea bale mafnekan.

Lion Air, Funtenû [Maret] 2010

---------------------

Di tengah angkasa

Pagi ini kuberada di angkasa

tiada sesuatu pun yang indah,

hanyalah awan yang melayang,

berwarna putih laksana kapas.


Kami banyak, duduk di kursi,
masing-masing ditempatnya sendiri.

Kini kutinggalkan Tanah Timor

dan menyeberang ke Jawa.


Di angkasa luas membentang,

doa dipanjatkan kepada Pencipta

agar kusehat walafiat selalu

dan tiba di tempat tujuan.

1 comment:

Abet Daniel said...

Au amnaistenu nahonis kau mbi Oinlasi. Au U nae ma uskol talan tia SMA, ma nako ton 1995 au usaitan hit pah meto ma lanjut au skolam bi Jakarta. Tamat ton 2000 ma au mepumbi pabrik plasti lail "Internal Auditor", nako ton 1999 au uhin internet ma au mui an tenab mese he nati otanan ain hit pah neo ale atoni mbi pah pinan. Mas Pules Uis Neno pas le ton 2009 au mui an blog mese le ntulun kau' he nanti au unaoba ain au tenab le'i. Au malein karena u tok hit blog le an tulu kau henati au ka nikan fa jit uab meto/dawan.
Salam Kenal dari Albert Talan. http://abetdaniel.blogspot.com/

Hanfuaf Nonô Fauk ntomneu Uab Metô

Natuin laistenab nak Uab Metô, lê a-nmuî kanaf humaf bian onlê METO, UAB ATONI PAH METO, UAB PAH METO, TIMOR, TIMORESE, TIMOL, TIMOREESCH, TIMOREEZEN, DAWAN, TIMOR DAWAN, RAWAN, ma humaf bian (sumber: taklik teu i), ka nnès fa nâko tuaf 0.75 juta (baca: nol koma juta bôhitumním) es naüabe (= namolke) (sumber: the Indonesian Heritage, Language and Literature, 1998) nbi kabupaten (distrik) teun nok dialek (logat) humâ-humâ, au utenab ak uab i musti napèn hormat ma mateab neu pah-pinan nfunamnatéf. Au 'bèt an kanaf UAB METO fun in es mapakê namfau nnèsi nbi Pah Metô. Kanaf teun lê, natuin au tenab, nebè' mapakê msâ eslê UAB ATONI PAH METO, UAB PAH METO, ma DAWAN.

Kanaf DAWAN nane kanaf “matâteme”, fun fêka tít fa tuaf es nahín (kalu au ka 'san) lekâ kanaf nane nemantea atoin-Metô sin luekkin ma in nâko mé. Tuaf aüab Labit (= Uab Indonesia) sin, natám nok atoin-Metô sin kuk, onlêhe npaek tekas BAHASA DAWAN he nlekan neu UAB METO. Au uäkâ ak atoin-Metô namfau ma atoni biakini msâ a-nkios nak kanaf DAWAN nfain-on tekas Labit neu kanaf UAB METO. Lê i nebè'i nfain alasan nansâ es tekas i mapakê a-nbi bale-bale. Lasi i nabè'i ntom nak oras tuafes a-ntek kanaf aî tekas i, tuafes aî tuafin lê namolok nokne lof nalulub neöp neu Uab Meto aî neu atoin-Metô. Natuin hanaf i, natuin au lomit, 'bèt an kanaf nua in lê i nfain on judul neu blog i, nok tuis DAWAN nbi 'takaf nabit.

Tabê ma pules nâko blog tuaf,

Yohanes Manhitu

ymanhitu@ymail.com

Yogyakarta, 14 Funboësamnuâ 2007