Ludwig Wittgenstein: Ntomneu Uab

 

PUISI METÔ-ESPERANTO MAPUBLIKASI ES MAJALA SASTRA "LITERATURA VIVO" (EDISI FUNSIÔ-FUNBOËS 2025) NBI KOTA ONTARIO, PAH KANADA

Au puisi uab nua "HANAF ALUMAT NÂKO NENO-TUNAN-BELSONO EL LA ĈIELO" mapublikasi ben es Literatura Vivo* (Edisi Funsiô-Funboës 2025), nane majala sastra Esperanto lê atuipusi Esperanto nua nmoë ma nanaobe. Atuis ese (Erika Godó) nâko Hungária ma es a-ntèn (John Huang) nâko Pah Sinas (RRT).

Seunbanit namfafau neu atuipuisi Erika Godó ma John Huang lê a-npublikasi puisi uab nua nane. Tafnekan he majala Literatura Vivo nnaomát ma nsukses piuta. Tabê uab ma sastra! 💖

Puisi uab nua (bilingual) nane nabè’ mabaca gratis es literaturavivo.com. Tbaca lekleok kalu tmuî taubsonâ. Nabè'i msâ tateab hit komentar a-ntomneu tuis i ma in publikasi. 👉

------------------------------------

HANAF ALUMAT NÂKO NENO-TUNAN*

Atuis: Yohanes Manhitu

Neu Wolfgang Amadeus Mozart

Haef namfafau ben ho musik amasat
nabia kau nbi mnamit amnanut nanan.
Au nekke nlem neu melodi kaäsnasat
lê namasab tabu in lakat a-nbi lalan.

Haef-haef au utnín ho musik alumat,
au nekke naheun nok dame in sain
lê ném nâko neno-tunan amnanut,
lo onlê malaikat puknes in hanan.

Ho onlê mukeo kau piuta he ait lakat
he ‘nao ‘tean hanaf amasat in usan
lê nakinbon es bale ‘loö mapanat,
ma ho musik a-nsai ntea in nanan.

Ho kanam, ho hanam nlakan nakat
ma naheun nekaf a-nbi batan-batan
onlê piöt nâko beï-naï lê mapanat
neu sufâ-kaüf lê natua pah-pinan.

Hanaf alumat i ném nâko Abalbalat
ma nsai natuin ho musik in masan.
Au nekke nsai nbi mlilê neu nenat
ma ‘pules Usif abít neno-tunan.

Yogyakarta, Funsiô 2012 

-------------------------- 

Foto: Nâko majala Literatura Vivo

Johann Wolfgang von Goethe: Ntomneu Uab

Benjamin Franklin: Ntomneu Tuis ma Moët

 

Atlakab neu Metô: Yohanes Manhitu

Ungaran, Jateng, 16 Funsiô 2025

Euripides: Ntomneu Monit

 

Atlakab neu Metô: Yohanes Manhitu

Ungaran, Jateng, 16 Funsiô 2025

Aristoteles: Ntomneu Tânoinâ Neöp

 

Atlakab neu Metô: Yohanes Manhitu

Ungaran, Jateng, 12 Funsiô 2025

Kuatren Metô: FAI NANAOB MEPU (Versi Uab Teun)

Foto: vecteezy.com

FAI NANAOB MEPU

Atuis: Yohanes Manhitu

Mèsökan! Fai nanaob in mepu.
Tupas fai i fê namín lekleok,
me au uskék ma 'fen kuk
he ututan banit amunit.

Yogyakarta, 29-12-2014
------------------------------

MALAM MENUNAIKAN TUGAS

Penulis: Yohanes Manhitu

Gelap! Malam menunaikan tugasnya.
Tidur malam ini masih nikmat sekali,
tetapi aku terjaga dan terbangun
untuk melanjutkan karya akhir.
-------------------------------

LA NOKTO PLENUMAS TASKON

Verkinto: Yohanes Manhitu

Mallume! La nokto plenumas sian taskon.
La dormo ĉi-nokte ankoraŭ tre agrablas,
sed mi estis veka kaj poste vekiĝis
por daŭrigi la finan laboron.

Versi Indonesia & Esperanto 

Ungaran, 25-08-2025

Soneta 18; Atuis: William Shakespeare

Foto: www.istockphoto.com

SONETA 18

Atuis: William Shakespeare

Au musti unesâ ko nok neonfoknaises ka?
Ho mumásamnès ma ho mmalulemnès kum:
Anin amaneunte nhekô hausuftunaf amastin a-nbi Funnimâ,
Ma foknaise in tabu ntea ka ‘ló fa, ma nfin kun:

Feës-feës manse npin ma nmapút nâsek’on,
Ma haef-haef in huma-mnatú nane nope nakini;
Ma sâ-sâ lê namás lof namsáb aî nanekun in pinan,
Ka nok fa salit aî fun tabu in naot le nâbainâ:

Me ho foknais abalbalte lof ka namsáb fa,
Ma ho lof ka munekun fa masaf lê ho mmuï;
Mates lof ka naní’ fa nak ho muneö mbi in hafon,
Fun ho lof a-mmoin mûnae mbi hanfuaf abalbaltin:

Kalu mansiane fê a-nmuï snasan aî matne fê nít,
Puisi i lof a-nmoin, ma in lof a-nfe ko monit.

Atlakab neu Metô: Yohanes Manhitu
Kota Ungaran, 23 Funfanû 2025

-------------------------------

Versi asli (Original version):

SONNET 18

by William Shakespeare

Shall I compare thee to a summer’s day?
Thou art more lovely and more temperate:
Rough winds do shake the darling buds of May,
And summer’s lease hath all too short a date:

Sometime too hot the eye of heaven shines,
And often is his gold complexion dimmed;
And every fair from fair sometime declines,
By chance or nature’s changing course untrimmed;

But thy eternal summer shall not fade
Nor lose possession of that fair thou owest;
Nor shall Death brag thou wander’st in his shade,
When in eternal lines to time thou growest:

So long as men can breathe or eyes can see,
So long lives this, and this gives life to thee.

FLOBAMORA*

Peta: https://www.researchgate.net

Neu NTT in tuakin

Flobamora, lo kanaf alumat.
Mapilî nâko kanaf amasat há:
Flores, Sumba, Timor ma Alor.
Pah NTT in pulau amanuatin.

Pahes nok kun in taos ma nono,
pahes nok in bukae ma mninut.
Nmaneo, es ka on fa es, naikan.
Me NTT nfut ma näbut sin.

Tasi amanuat a-nbatas sin,
‘nuüf amnanut a-nëkâ sin;
provinsi mesê es a-näbut sin.
Sin nekaf mesê, ansaof mesê.

Kupang es Flobamora in usan.
In kota fautputun amâtanes kun.
Bale kanan to Flobamora nabuan
he nänsaomesen ma nafenâ sin pah.

Flobamora, ho lof a-mmoin mubala.
Ho mutua au nekak ma au smanak piuta.
Au ka upnikan fa ho masam ma fomenim.
Mauthe au ‘pafâ ho kanam talantea nabalbál.

Yogyakarta, Funsiô 2003

------------------------

*) Adelino de Almeida, penyanyi dari Oekusi-Ambeno, RDTL, menggunakan puisi ini sebagai syair untuk lagunya yang berjudul "Flobamora" (dalam album Oekusi Pah Meu’sine, 2006).