UAB RUJAK

Foto: https://gofood.co.id

Atuis: Yohanes Manhitu

Kalu ho meuk mít rujak,
ho muhín hanfuafe otan.
Nbi foknais amnanut mesê,
haufuâ humâ-humâ maselô.
Upun, kaut, ekam ma kijabas
masalâ, ma nabuan bale mesê.
Oin’oefe nmoê selot i nminoin.

Me uab rujak, in ka on fa nane.
Uabin lo maselô, me ka namín fa.
Ho mait hanfuafin nâko uabes kun
ma mseol muklatî sin nok uab bian.
Neu, nbi ho molok nane, hanfuafin
mamnaitî nâko uab nua aî a-nnès.
Ma ho mumlilê fun ho uab rujak.

Kalu ho mpaek uab nane piuta
ma muneöp mak in lo namás,
au lof ka uhín fa uab fauken
es ho lo muhín sin namtás.
Kalu muhín uabe puknes,
neu mpaek sin lekleok
he pah-pinan i nahín.

Bandungan, Ungaran,
Jateng, 6 Funhitû 2025

Uab Amonit ma Pah Mafnekan: Koleksi nâko Tuisin nèk Uab Metô (Yogyakarta, Funboës 2026)

Foto: Diandra Kreatif (Funboës 2026)

UAB es-es nabè’ mapakê ma njail nete he tateab ma tbait hit neöp mansiane neu tuaf bian. Ma uab Metô lo nabè’ mapakê neu salit alekot nane, natuin humaf molok ma tuis. Kalu natuin tuis, in humâ fauk, onlê esai, artikel ma biografi lê matuï ma mapublikasi he tbait neöp neu to-amfaut. Masi onnane, he nabè’ tateab neöp tèk tuis natuin uabes lê ka biasa fa mapakê namfau neu tuis, hit a-tparlú sinmakat ma nenuf a-‘naek.

Buku i natám nan tuise nonô 30 (bôteun) nèk uab Metô a-ntomneu uab, sastra, ma budaya lê au ‘tui sin nâko ton 2006 talantea ton 2023. Tuisin nâko koleksi i npoi nahunun esan au blog neu uab ma sastra Metô (https://uabmeto.blogspot.com) ma buletin Amnèkhanaf, lê funan nua npoi haefes ma masònû gratis neu abaca-sin natuin email (nâko Funnê 2010 talantea Funnuâ 2014, edisi 23).

Kuatren Metô-Labit-Esperanto: "Atuise In Taes-sutais" (Tanggung Jawab Seorang Penulis)

Foto: https://stock.adobe.com

ATUISE IN TAES-SUTAIS

Ameput es-es a-nmuî kun in taes-sutais.
Atuise ini eslê he nateab laismaneot.
Nèk in mepu, in a-nfain-on atanâ,
natuin hanfuafin lê a-njalin tuis.

Atuis/alulat: Yohanes Manhitu

Ungaran, 4 Funnimâ 2026
----------------------------

TANGGUNG JAWAB SEORANG PENULIS

Setiap pekerja punya tanggung jawabnya sendiri.
Punya penulis, itulah menyampaikan kebenaran.
Dengan karyanya, ia menjadi sosok pencerah,
lewat kata-katanya yang menjadi tulisan.
-------------------------------

RESPONDECO DE VERKISTO

Ĉiu laboranto havas sian propran respondecon.
La respondeco de verkisto estas transdoni la veron.
Per sia laboro, li iĝas lumiganta figuro,
per siaj vortoj, kiuj fariĝas skribo.

Versi Indonesia & Esperanto:
Yohanes Manhitu (penulis)
Ungaran, 04-05-2026

Kuatren Metô-Labit-Esperanto: "Esperanto, Uabes Lê Mamoëk" (Esperanto, Sebuah Bahasa Buatan)

Foto: sjquillen.medium.com

ESPERANTO, UABES LÊ MAMOËK

Nbi pah-pinan i, nmuî uabes kanne Esperanto.
Uab amasat i mamoëk ma mapakê on nete.
Ka tít fa negara-es lê nak lê i in uabe kun.
Neu, uab mafnekan i, tuaf es-es in uab.

Atuis/alulat: Yohanes Manhitu

Ungaran, 5 Funnimâ 2026
-----------------------------------

ESPERANTO, SEBUAH BAHASA BUATAN

Di dunia ini, terdapat sebuah bahasa bernama Esperanto.
Bahasa bagus ini dibuat dan dipakai sebagai jembatan.
Tak satu pun negara yang bilang bahasa ini miliknya.
Jadi, bahasa harapan ini adalah bahasa tiap orang.
-------------------------------

ESPERANTO, ARTEFARITA LINGVO

En la mondo, ekzistas lingvo nomata Esperanto.
Ĉi tiu bela lingvo estis kreita kaj uzata kiel ponto.
Neniu lando diris, ke ĉi tiu lingvo estas sia propra.
Do, ĉi tiu lingvo de espero estas la lingvo de ĉiuj.

Versi Indonesia & Esperanto:
Yohanes Manhitu (penulis)
Ungaran, 05-05-2026

KOTA I FÊ ONLÊ UNÛ

Foto: Yohanes Manhitu (2025)

Atuis: Yohanes Manhitu

Haefes i au òm eu kota i
he utuin acara wisuda.
Kota i nmahoe nabala,
nsiom kau onlê unû.

Ûnu au utua 'ló 'bi i;
unû au uemtuaf a-'bi i.
Oras i au amakisot kau,
me ka matâteme kau fa.

Haefes i utuin kota nanan,
au 'sae bis ok tuafe puknes.
Mtok mibua mbi alun-alun,
nunuh nua fê natua in usan.

Ûnu au upún utefan kota i.
Tala oras i, in onlê au kuan.
Nbi mé ho mupeni mlilê,
nbi nane ho he mubala.

Yogyakarta, 21-09-2025

'NUÜF SUMBING IN HUMAN

Foto: Yohanes Manhitu (2026)

Atuis/alulat: Yohanes Manhitu

Nâko bale alekot ma amasat i,
'nuüf amnanut-es in humne
lo nmeu kalu nipu ka nakini.
Lê nane 'Nuüf Sumbing ini.

Silancur, 5 Funhitù 2026

Kuatren Metô-Labit-Esperanto: "Mlak Mutuin Humone" (Melangkah Lewat Padang Rumput)

Foto: istockphoto.com

MLAK MUTUIN HUMONE

Ho mutból òm ma ho mnao baun-baun,
mlak mutuin humone amanuat amliat,
kumanit naheun ho humam ama'èkit.
Hausufâ lê ho mèki, kaisâ namafun!

Atuis/alulat: Yohanes Manhitu
Yogyakarta, 5 Funboës 2015
-------------------------------

MELANGKAH LEWAT PADANG RUMPUT

Kau muncul kemari dengan berjalan perlahan-lahan,
melangkah lewat padang rumput luas nan subur,
senyuman memenuhi wajahmu nan mulus.
Bunga yang kaubawa, jangan beracun!
-------------------------------

PAŜANTE TRA LA HERBEJO

Vi aperas ĉi tien marŝante malrapide,
paŝante tra la fekunda vasta herbejo,
rideto plene aperas sur via glata vizaĝo.
La floro, kiun vi alportas, ne estu venena!

Versi Indonesia & Esperanto:
Yohanes Manhitu (penulis)
Ungaran, 04-04-2026

Kuatren Metô-Labit-Esperanto: "Nefo Amanuat abít Tuntang" (Labit: Danau yang Luas di Tuntang)

Foto: Yohanes Manhitu (Kafe Bistora, Tuntang, 03/05/2026)

NEFO AMANUAT ABÍT TUNTANG

Nâko Tuntang tala Bukit Cinta,
nmuî nefo amanuat onlê tasi.
In kanne eslê Rawa Pening.
'Nuüf Telomoyo es matak.

Atuis: Yohanes Manhitu
Tuntang, 3 Funnimâ 2026
--------------------------------

DANAU YANG LUAS DI TUNTANG

Dari Tuntang hingga Bukit Cinta,
terdapat danau luas seperti laut.
Namanya adalah Rawa Pening.
Gunung Telomoyo ada di mata.
---------------------------------

VASTA LAGO EN TUNTANG

De Tuntang ĝis Bukit Cinta,
troviĝas vasta lago kiel maro.
Ĝia nomo estas Rawa Pening.
Mont’ Telomoyo antaŭ la okuloj.

Versi Indonesia & Esperanto
Atuis: Yohanes Manhitu
Ungaran, 03-05-2026

Kuatren Metô-Labit-Esperanto: "Taskól Nane Hit Hak" (Labit: Bersekolah Adalah Hak Kita)

Foto: kompasiana.com

TASKÓL NANE HIT HAK

Tuaf es-es a-nmuî hak he naskól
ma nsimo ‘noinâ he nmuî hine.
Hit a-tmuî bukae suk fun taskól,
ma hine musti nanés onlê ane.

Atuis: Yohanes Manhitu
Ungaran, 02 Funnimâ 2026
-------------------------------

BERSEKOLAH ADALAH HAK KITA

Setiap orang punya hak untuk bersekolah
dan menerima pengajaran agar berilmu.
Kita berbekal cukup karena bersekolah,
dan ilmu harus bernas laksana padi.
-------------------------------

LERNADO ESTAS NIA RAJTO

Ĉiu homo rajtas viziti lernejon
kaj ricevi instruadon por akiri scion.
Ni havas sufiĉan provizon pro lernado,
kaj scio devas esti plena kiel spiko de rizo.

Versi Indonesia & Esperanto
Atuis: Yohanes Manhitu
Ungaran, 02-05-2026