 |
| Foto: https://www.pinterest.com |
Atuis: Yohanes Manhitu
Magdala Tarichaea, nane ho kuan.
Es onnane, Magdalena njail ho fam.
Unû atoni ka npiô fa leko ho lalan,
es ka namlilê fa he ntek ho kanam.
Sin nak, unû oras Guru he nbukae,
ho mhaumakE mèk ho minfomenî.
Mupét haene mèk nú fun ho mkae.
Ma ume nanan naheun nok fomenî.
Ho ‘nakamnafum a-njail toli anoset,
ho mnek In haene, okê ho mupete.
Nbi ume nanan nae, ho bifé ameset.
Atoinin lof nakan, “Hoè, mi’éte!”
Me meûsinê nemen neu pah-pinan
ma atoni nahín ho ka bifé asanab fa
lê unû nèk fomenî neu ume nanan.
Ho bifé es kun, ho ka bifé alahî fa.
Ho mutatuina Guru nbi In lalan
tala tabu In a-nsutai nbi haukrús.
Oras In nakalab mèsökan aükan,
mûko òpu, ho muskeken Petrus.
*Veritas vos liberabit (Latín,
Lais’amaneot lof nafètin ki)
No comments:
Post a Comment