Veritas

Nâko: Yohanes Manhitu

Veritas, nane lais’amaneot, uab atomas.
In ka nahín nít fa leke, ka nahín nít fa lahi.
Onlê anet, in nmaneo; onlê oe, in nakninô.
In lof a-nmeûsín masi mèsökan ném,
in namlia nabala masi katilâ napunan.

Veritas in upan onlê noni mnatû ini –
nmâfen fun mataï nèki ‘taî amaneot.
In musti nmeu, kaisâ onlê gado-gado –
maselô nok rasa kamahinê humâ-humâ.
Veritas musti namlia onlê ane ma penâ.

Kupang–Timor, Funtenû 2004
--------------------- 
* Veritas i nâko uab Latín, nak lais’amaneot