Nâko: Yohanes Manhitu
Uabe nak, ho nane mamnaitî nâko au nuibnapâ
he namót ho aom afomenit ma smanam amalulet
henait pah-pinan naheun nok halinat ma malilat.
Es onnane, neno i hit nuakit taëuk ma tmatéf.
Au ka uhín fa lasi, alaha Uisneno es a-nlek;
alaha In es a-nmuî kuasa he nlul ma nafék lasi.
Mauthe sâ-sâ a-njail natuin In lomit ma In lekat;
mauthe pah-pinan ma neno-tunan nabés neu In.
Lomasit ho es au nuibnapâ natuin laismantäen.
Au ufnekan he Uisneno In halinat natkuanai
henait hit nuakit a-tmatoup teu meja-altár
ma hit fefak a-npulan hantaën, laisleü.
Yogyakarta, Funfanû 2003
No comments:
Post a Comment