Tasaitan Kuan

Nâko: Yohanes Manhitu

Susar natau kanan nekaf anaot ma abalat sin,
manit ma kumanit kamahinê onlê matâteme.
Nú nsai kun onlê oe ameut nâko oematâ,
ma hantaën a-nsain nâko luluf ametos.

Kuan lo mamnaû me musti masaitannai,
he tapein monit alekot ma amneik halinat;
he taskók fof feü ma he ttamis oni taispanif.
Kuan musti masaitan he tneke ma okê tafenâ.

‘Tebes, saitan kuan lo mâfenâ ma kamalomî.
Me in a-nminoin kalu matamis neik malinat.
Saitan kuan, hit kaisâ tamtausan onlê sanat
fun tabu hit tasaitan kuan, hit a-tnek luan.

Yogyakarta, Funfanû 2003