Wednesday, May 30, 2018

KAISÂ MUMTAU!


Foto: www.google.com

Ho ala tuaf mesê ko,
me ho loimte namfafau.
Nbi oras ho fê mansian ko,
mutís lomit, kaisâ mumtau!

Atuis: Yohanes Manhitu
Yogyakarta, 03-04-2018
Posted by at No comments:

MASI NBIN FAUTPUTUN

Foto: www.google.com

Neno i, manse fê napoinon,
nhoi naijan nèk maputun.
Senat ok-okê natolon
masi nbin fautputun.

Atuis: Yohanes Manhitu 
Yogyakarta, 03-04-2018
Posted by at No comments:

Monday, April 30, 2018

UNAOB MEPU HE NANÉS

Foto: Foto: www.google.com

Nbi fai manikin i, au 'més
fê unaob mepu he nanés.
Eu Ho matam, au he ubés
on amòfhaet lê musti nabés.

 Atuis: Yohanes Manhitu
Yogyakarta, 18-02-2018
Posted by at No comments:

LISON NEKMENSE NTEA ‘PUPUN

Foto: www.google.com

Kalu haef mesê, lof a-'fe ko ampun
masi nekak i naheun nok maputû.
Lison nekmense ntea ini 'pupun,
masi mansian, in lof onlê knutû.

Atuis: Yohanes Manhitu
Yogyakarta, 12-02-2018
Posted by at No comments:

Saturday, March 31, 2018

Umnau neno mnanû afinit

Gambar: www.google.com

Haef-haef, nbi oras he 'túp,
au umnau neno mnanû afinit.
Eu ho nekam, au 'loim he 'súp
ma utua be menit nasòp menit.

Atuis: Yohanes Manhitu
Noemuti, 12-02-2018
Posted by at No comments:

Fnekan i nabala neu ko

Foto: www.google.com

Fê onlê a-nbi neno ahuntin,
au ufnekan piuta he ít ko.
Msâ nbi neno amnemtin,
fnekan i nabala neu ko.

Atuis: Yohanes Manhitu
Noemuti, 11-02-2018
Posted by at No comments:

Mnao he mtaun ikâ

Foto: www.masterfile.com

Nbi tabu ho mnao he mtaun ikâ,
ho lof ka mupnikan fa ho tanu.
Mnahat lo musti natua 'pikâ
masi in ka nok fa sismanu.

Atuis: Yohanes Manhitu
Noemuti, 10-02-2018
Posted by at No comments:

Tasaeb seunbanit

Foto: www.google.com


Fai amnanut i nlak baun-baun.
Menit nasòp menit, ma au ít.
Tetus natkua nok ini mfaun.
Neu, hit tasaeb seunbanit.

Atuis: Yohanes Manhitu
Noemuti, 06-02-2018
Posted by at No comments:

NEKAM KAISÂ NOK MENAS

Foto: www.google.com
Nbi akimû, ho munekun manas,
me funan lof ném natua balan.
Ho nekam kaisâ nok menas
fun meûsinne ntanâ lalan.

Atuis: Yohanes Manhitu
Noemuti, 06-02-2018
Posted by at No comments:
Subscribe to: Posts (Atom)

Hanfuaf Nonô Fauk ntomneu Uab Metô

Natuin laistenab nak Uab Metô, lê a-nmuî kanaf humaf bian onlê METO, UAB ATONI PAH METO, UAB PAH METO, TIMOR, TIMORESE, TIMOL, TIMOREESCH, TIMOREEZEN, DAWAN, TIMOR DAWAN, RAWAN, ma humaf bian (sumber: taklik teu i), ka nnès fa nâko tuaf 0.75 juta (baca: nol koma juta bôhitumním) es naüabe (= namolke) (sumber: the Indonesian Heritage, Language and Literature, 1998) nbi kabupaten (distrik) teun nok dialek (logat) humâ-humâ, au utenab ak uab i musti napèn hormat ma mateab neu pah-pinan nfunamnatéf. Au 'bèt an kanaf UAB METO fun in es mapakê namfau nnèsi nbi Pah Metô. Kanaf teun lê, natuin au tenab, nebè' mapakê msâ eslê UAB ATONI PAH METO, UAB PAH METO, ma DAWAN.

Kanaf DAWAN nane kanaf “matâteme”, fun fêka tít fa tuaf es nahín (kalu au ka 'san) lekâ kanaf nane nemantea atoin-Metô sin luekkin ma in nâko mé. Tuaf aüab Labit (= Uab Indonesia) sin, natám nok atoin-Metô sin kuk, onlêhe npaek tekas BAHASA DAWAN he nlekan neu UAB METO. Au uäkâ ak atoin-Metô namfau ma atoni biakini msâ a-nkios nak kanaf DAWAN nfain-on tekas Labit neu kanaf UAB METO. Lê i nebè'i nfain alasan nansâ es tekas i mapakê a-nbi bale-bale. Lasi i nabè'i ntom nak oras tuafes a-ntek kanaf aî tekas i, tuafes aî tuafin lê namolok nokne lof nalulub neöp neu Uab Meto aî neu atoin-Metô. Natuin hanaf i, natuin au lomit, 'bèt an kanaf nua in lê i nfain on judul neu blog i, nok tuis DAWAN nbi 'takaf nabit.

Tabê ma pules nâko blog tuaf,

Yohanes Manhitu
ymanhitu@gmail.com

Yogyakarta, 14 Funboësamnuâ 2007