‘Maus Amaneot

Nâko: Yohanes Manhitu 

Neu au guru, dosen & ânoinâ sin

Mnatû ma noinmutî in ka ‘sinmakan sin fa,

sonaf ma ume aklimâ nâló nâko in nanait.

In he naim kun ‘maus amaneot ma atomas.

Nane es laistoes am­âtanes ma hine aneisit.

Sekau es a-npal ‘maus, npal malinat amonit;

sekau npal-a mnatû, lof ka nasoup fa in tabu.

Aim laba he tami ‘maus kaämaut, kaämleüt.

Nane es laistoes amâtanes ma hine aneisit.

Mnatû ma noinmutî lof nabeî namnekun,

sonaf ma ume aklimâ lof natkuan onlê baki;

bijaemolô, bijaemetô lof nebeï nëusfanin,

me laistoes ma laishine lof namlian piuta.

Yogyakarta, Funfanû 2003

Au ‘Lel ma Utô

Nâko: Yohanes Manhitu

Au utnínat au ‘lel ma utoän monit i.

Au ka uhín fa lekâ monit lof masenû.

Au ufnekan monit amlilet, kamasusar.

Monit mafnekan, naheun susu ma oni.

Monit lê naheun nok Uisneno tetus.

Neonhâ fê masekâ neik Neonnimâ.

Au ufeitin neno mnâ eik lelat ma toäs.

Au musti ‘fen kuk ûko monit ameisökat.

‘Fen ma ‘nao he ‘seun meûsinê amaneot.

Au musti ‘moin piuta he ‘pules Apakaet.

Yogyakarta, Funsiô 2003