TOLAS NEU UAB MA SASTRA

Foto: Yohanes Manhitu (Okt.2023)

Atuis: Yohanes Manhitu

Nekak i lo namlilê a-nbi oras i
fun au usòp mepu nbi tolas i;
tolas neu panat uab ma sastra,
Pah Indonesia ini ‘maus maüpâ.

Au upèn baelsonâ-en he umolok,
he ‘bait hine ok atuintolas biakin
a-nbi bale Kongres Uab Indonesia
lê manaob haef boësamnua ben.

Au fê es kau i, es hotel i in lobi
he ‘pao oto he usaitan Jakarta
he ‘nao ‘fain eu Yogyakarta.
Au lof usòp mabê i nbi lalan.

Au lo umlilê fun òm eu Jakarta,
me fêka ‘loim fa he utua ubala i.
Kalu ala neno fauk, lo ka sâ-sâ fa.
Me he utua ubala, nane mautfê.

Tolas uf lê i namsòpen, okê-en.
Masi onnane, mepu fêka okê kun.
Fun uab ma sastra, nane mepu piuta.
Neu, musti tmakoe he tmeup kuk.

Hotel Sultan in lobi, Jakarta,
Neonnê, 28 Funboës 2023