Lîfeto amasat

Nâko: Yohanes Manhitu

Fini au ít ko nbi fesat aramê;
fini au ‘huk ho ‘nimam ama’èkit;
fini au ‘kios ho matam akninô;
fini ho msai kau nbi nanait.

Lîfeto amasat…
lîfeto ama’èkit…
Me, ho sekau ko?
Mutón man kau ho kanam,
koè feot-anâ afútnekaf.

Au upnikan ho kanam amasat;
au he ‘huk ho ‘nimam ama’èkit;
au he ‘sai ho ‘nakam afomenit;
au he ‘pal ho smanam amonit.

Mnao-òm nai meu au ‘nimak nanan;
maen laba nai meu au nekak amètis;
mtam nai meu au monit abalbalat;
mho nai ma kaisâ mufètin kau
onlê au lof usaitan ko mabê i.

Yogyakarta, Funmesê 2003