Hauteas

Nâko: Yohanes Manhitu

O, hau klibû, hau atulun!
Hau atulas, hau kaäpehet.
Ho kamamatâ, me manekaf;
ho kamaäof, me mahinê ko.

‘Takaf ao’aölet eslê ho,
‘takaf ao amenat eslê ho.
Oras tuafe näo’oel mateas;
tabu tuafe he näî nhuk teas.

Atoinmunif ka nloim fa teas,
mansian amnasit a-nhuk hauteas.
Ho mfain haef abeït ma amaspeitis,
ho mjail suki amepat ma amâtanes.

Yogyakarta, Funfanû 2003