Haumenî, hau afomenit

Foto: http://www.incitoprima.com/images/Image/sandalwood.jpg

Nâko: Yohanes Manhitu

Neu Atoin-Timor ma to(b) ok-okê

Lo ‘tebes, neno unû ho lo afomenit ko,
neno ma tabu i ho afomenit piuta ka?
Nokâ-sinê ho lof a-mfomèn munoeba?

Mauthe manas ma funan es a-ntain lasi.

Afi unû ho lo mumlia ma mumaof pah.

Neno i ho smanam ma ho aom namtaun

onlê hau hopî he nasaitan in un ma taün.

Sekau es lof nasoin sin nâko fai in ukan?

Ho fomènme es noën kaesmutî pah-pah;
ho upme nfuil anaot nâko kuan ma kota;
ho kanme matekâ nâko batan neu batan,

me ho masit lof mapnikan ko onlê anin?

Sekau es he npanat ho smanam akninô?
Sekau es he ntui ko ho kanam afomenit

nbi sulat fefmantaën nèk tinta mnatû?
Sekau es he nakain nekaf asinmaktin?

Sekau es he nânaeb ho sufam, ho kaüm?

Yogyakarta, Funmesê 2003