Nâko: Yohanes Manhitu
Nhaek ma nsonlaiton a-nbi sonaf,
fenai abít nipu atais apnikan supat.
Oin’oef a-nsai nâko nesu hanfuaf.
Lasi nane njail oras mataf namlilê.
Tuamenû a-nsai nâko enô molok.
Lasi i npoi nbi tabu nekaf a-nfól.
Napan nae nsek nalail ini ‘koton,
umeke nane nseun nalail ini ‘poän.
Haunô matel a-njail molô onlê hukî.
Ete mu’ét, ‘pûpenâ naheun nok laso.
Nipu mtaus ntanús nan laismanekat.
Neu, sekau es he nsonlai neu nipu?
Kupang-Timor, Funmesê 2004
No comments:
Post a Comment