Yohanes Manhitu in tuis
Au ka ‘nén fa mansian in hanan
fun hanaf alumat fê nasaitan kau.
Au utnín oe âlotos abít akuarium,
me nane ka ini snasan afomenit fa.
Tembok mutî ka nsinmakan fa uab,
ka on fa in lê biasa nbaca kau puisi.
Wokmen naëbon onlê tuaf amonot,
ka nsi fa sít alumat neu kau onlê in.
Buku mafauban sin ka nakan fa sâ.
Es-es nabala balan onlê fatu bnoko.
Sepeda nhaek nabala neik haeseäl
ma npao oras he nasoup lal’aspál.
Yogyakarta, Funnimâ 2004
No comments:
Post a Comment