Neu Atukus Amanekat

In natupâ kau neu humone amliat,

In a-ntoup kau neu oe ‘honis ataäs.

(Mazmur[1], 23:2)

Tabu natpén[2] onlê anislutuf,

nenô ma fai nmansain piuta.

Au fê usnás ma upein malinat,

fun Ho, Atukus, mpanat kau.

Uisneno Atukus Amanekat,

Ho es hau amafot-akinib Ko;

Ho es atónlalan amaneot Ko.

Mjailfa au Atukus nenô-fai.

Atukus-Anonot Amaneot,

tabu he ntea ben he usaitan,

ufeitin Pah Samosir amasat,

he ‘nao eu Pah Jawa amliat.

Atukus-Anonot Amaneot,

au uteab seunbanit a-‘naek

neu Ko, natuin Ho halinat,

lê Ho mukua mulali neu kau.

Ó, Atukus-Anonot Amaneot,

Ho aäm es atanâ neu au haek,

oke-msâ meûsinê neu au lalan.

Ó, Atukus, kaisâ musaitan kau.

Samosir–Sumatra, Funnimâ 2003

Yohanes Manhitu in tuis 

---

[1] Nbi Sulat Knino Beno Alekot, “Mazmur” matekâ nak “Sit Ma Pules”.

[2] Nbi dialek/logat bian natpén masekal neik naplél.