NBI MABÊ HIT FÊ TABUA

Foto: www.google.com

Funan fai i ka nmeu kun fa
onlê nbi mabê hit fê tabua
tafètin oras he ntòp lalan,
ma hit tatuin in kubelan.

Atuis: Yohanes Manhitu
Yogyakarta, 23-05-2018

ES NAE, ES NEONSAET

Foto: www.google.com

Nenomatne fê nâkolô
es nae, es neonsaet.
Fêka nmuî fa âpolô
aî 'kotkotos akaet.

Atuis: Yohanes Manhitu
Yogyakarta, 18-05-2018

NENO-NENO MAIM PULES

Foto: www.google.com

Neno-neno ho maim pules
nâko mansian natun-natun,
ma mufnekan he kalobes
mupèn kanaf nifun-nifun.

Atuis: Yohanes Manhitu
Yogyakarta, 06-05-2018

NIPU NSEKAL ULAN

Foto: www.google.com

Funan fai i lo nmeûsín
onlê ho mubalab kau sin:
hanfuafin lê a-ntanâ lalan
nbi oras nipu nsekal ulan.

Atuis: Yohanes Manhitu
Yogyakarta, 29-04-2018